क्षत्रिय मराठा मंडळ रत्नागिरीची स्थापना दि. १८ ऑक्टोबर २००७ रोजी झाल्याचे आपण बहुसंख्य जण जाणताच, मंडळाची प्रत्यक्ष स्थापना जरी यादिवशी झाली असली तरी, हे मंडळ स्थापन होण्यामागची कथा मात्र रंजक आहे. किंबहुना मंडळाच्या स्थापनेचा हा इतिहास फारच कमी लोकांना माहीत आहे.

जानेवारी २००७ मध्ये रत्नागिरी मधील कॉन्ट्रॅक्टर असोसिएशनची सभा हॉटेल विवेक येथे घेण्यात आली होती. या सभांना मराठा समाजातील कॉन्ट्रॅक्टरची उपस्थितीची संख्या लक्षणीय असायची. त्यावेळी आपण सर्वजण इतर संस्थासाठी काम करीत असतो परंतु आपल्या मराठा समाजासाठी काहीच करत नाहीत अशी भावना काही मंडळींनी व्यक्त केली. आणि तेथेच त्यांनी मराठा समाजासाठी काहीतरी करावे या उद्देशाने मराठा मैदानावरती आपापल्या सर्कलमधील मराठा तरुणांनी दोन दिवसांनी याच ठिकाणी एकत्र येण्याचे ठरविले.